الرأي نيوز - علقت مقدمة البرامج رضوى الشربيني على ما فعلته ريم طارق عروس الفنان حسن شاكوش، خلال حفل زفافهما أمس الجمعة، والصحة التي أثارتها بعد سجودها على الأرض في منتصف القاعة تشكر الله على زواجها من حسن شاكوش

وعلقت رضوى الشربيني في خلال برنامجها "هي وبس"، الذي يعرض عبر قناة "CBC سفرة" على واقعة السجود، وقالت: "كثير من الناس طلبوا مني التعليق علي تلك الواقعة، هقول إيه، ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس".

وأضافت: "صحيح هي حركة أوفر جدا، وآخر حاجة كنا بنشوفها إن لاعيبة الكورة يسجدوا لما يجيبوا جون، آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناهاش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه".

واستكملت: "كيف تنزل ست هانم انزل علي ركبها ومنها علي الأرض قدام الناس بفستان الفرح ميصحش".

وتابعت: "أنا كأنثي بأقول لا، ومشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا، لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده".